E luna di september ta luna di monumento. Monumenten Fonds Aruba tin varios bon noticia cu lo bin padilanti den e dianan nos dilanti. Relacionista publico Mirla Nava di Stichting Monumenten Fonds Aruba ta anuncia cu e fundacion tin un bunita proyecto pa anuncia pa e pueblo di Aruba.
Na mes momento tambe pa e edificio di Uncle Louise store ainda tin oportunidad pa vota pe e edificio aki y esaki por te cu dia 24 di september. Esunnan cu ta interesa pa vota por bay riba stichting monumenten fonds su pagina y vota pa e edificio di Uncle Louise store pa asina e por gana e premio maximo.
Uncle Louis Store ta un Proyecto Nominado,e proyecto aki a wordo nomina pa e ‘Heritage Sustainability Prize 2023’. Sigur un nominacion hopi importante pa Aruba y caribe
Esaki ta pa bo por vota pa e monumento mas sostenibel di 2023 te cu dia 24 di september nos dilanti. Aruba Vota awor pa asina Aruba su monumento por sali den e premio como e monumento mas sostenibel di 2023 den Caribe.