Ufffffffff! Nos ta birando poco poco mas adulto mayor. Despues cu nos a pasa un cambio di aña
un poco diferente, habri aña cu algun persona stima y conoci den nos comunidad cu a bay nos
dilanti y tambe despues di un kebrante di salud, fuera di e pausa cu a tuma pa motibo di mi
laptop cu a tuma un break, nos no por corda si nos a cubri un crenchi e dushi anochi na Oneils
kitchen den curason di San Nicolas cu e anochi dushi y bunita di recauda fondo pa Stichting
Colegio San Nicolas Nigel Mathew.
Nos ta relata algo di dje awe of atrobe, no big deal, mi tambe mag lubida y of ripiti hahahahaha, aunke no por skirbi dos relato mes mescos nunca. Despues nos lo bin cu algo bunita dedica na e anochi di homenahe na Joyce Pereira cu a tuma luga recientemente den Cas di Papiamento. Un bes pa siman ta mustra hopi, pero ora tin 2 of mas topico pa cubri di curason, nos no ta logra tur ora debidamente y ta hinca nan den otro den e mesun relato.
Ufffffff! E fundacion pa Colegio San Nicolas Nigel Mathew ta existi pa varios
aña caba y e directiva dinamico cu e.o. e rumannan Suzy y Magaly Maduro dunando nan
aporte fielmente pa yuda alumnonan di e scol ,cu nan a atende tempo di nan tempo, mirando e
necesidad pa locual tin mester, sea ta material pa scol na buki etc. of na algo cu e studiante nan
mes no por cubri.
Meneer Nigel Mathew tambe tabata t’ey y Lady Ruth a haci uzo di e oportunidad di a regale su buki Alegria di Ruthy Poema 2, cu a wordo altamente aprecia. Un persona humilde pero fuerte den su sapato cu no ta gusta buya, un bon artista pintor. Tabata un bunita anochi, nos por corda cla cla, cu Magaly a tene un bunita speech di curason cu a cay na agrado di tur presente, e.o. repasando con a fundacion a cuminsa y kico tur ta haci.
Nos, como e poeta di pueblo, Lady Ruth, a haya e oportunidad di a recita un poema prosa un crenchi largo, pero cu a wordo scucha cu hopi atencion , e bunita mensahe pa cu cambio di anja. Nos a topa cu Peter Auwerda, e yiu homber di un di mi maestronan di Mon Plaisir College Meneer Jan
Auwerda, awe dfm.,den compania di su bunita sra. esposa Miriam .
Nos a sinta na mesa cu Carlino Koolman y Magaly, su bunita sra.esposa y pasa momentonan hopi agradabel combersando y saboriando e dushi cuminda di Oneils kitchen. Nos a haci conoci cu meneer Capelo di Colegio Arubano, un bon meneer cu amigo Nilton Lacle di Diario sa menciona varios biaha den nos combersacionnan di “antes”. Lady Ruth a atende Colegio anochi, Avond Havo na añanan setenta, pues no tawata conose tur hende presente e anochi ey di Colegio den dia, pero si
tawata conoce hopi di nan pa cara y curason bunita den nos comunidad, e.o. Verna Croes y
“Gini” cu ta canta bunita cu e musiconan Ruben y Yolanda Croes, nos ta yamele Gini, pero e tin
un otro nomber.
A uza tur dos e salanan den e restaurant Oneils kitchen e anochi ey, tabata un
fundraising exitoso ! Sold out ! Cu excelente servicio di e team di waiter y waitressnan, atento y
hopi amabel. Y e cuminda tawata duuuushiiii! Esaki tawata un actividad cu a tuma luga den December aña pasa cu nos a comparti (atrobe ?) un crenchi di dje awe, sperando cu awor si nos ta “up in top” cu nos topiconan andando. Nos falta esun di Joyce y esun di mi buki” Rene su dushi wega”. Ta bon mes cu e buki no ta core sconde cana bay ! Pronto nos lo ta na Plaza Bookshop atrobe pa firma buki segun deseo di e cumprado. Danki na tur e bon comentarionan drentando di “Rene su dushi wega”. Nos ta drentando e luna di februari, dia di San Valentin, dia di mas amor ! Mientras actividadnan
carnavalesco rond di nos tambe ta anuncia nan presencia aki aya. Danki pa e pasenshi y danki pa
lesa nos relato cu atencion. Cuida curpa shonnan, y corda bebe bo glasnan di awa ! Un dushi dia
yen di sabiduria den nos alegria pa nos tur ! Corda duna Dios danki pa salud y pa tur otro bon
cos den bo bida. E ta duna, E ta tuma. Y asina bon Dios a tuma cerca dje Sra. Antonia Alcida
Maduro Ras, “CHIDA” e bunita mama di nos ministro di cultura Xiomara Maduro y di Eugene
Maduro . Nos condolencia, consuelo y amor na bosonan . Chida awor serca su casa Tommy, den
paz y luz eterno serca nan Creador. Chida y Tommy, bon bisinja di nos famia den Patiastraat
añanan atras. Un “bearhug” pa lieve Xiomara y Eugene, nan pareha, yiunan nietonan di Chida
cu Tommy. Na tur rumannan di Chida y na demas famia Ras, Maduro y demas famianan
amigonan y conosir nan. Cu lieve mooie Chida sosega na paz. Condolencia, consuelo y amor tambe na tur famian di sr. Jesus Maria Jose “JOY” Kock, e legendario musico cu trayectorio impresionante, kende tambe a wordo yama pa bay nos dilanti. Cu Joy sosega na paz den brasa di su Creador di amor. Asina alegria a bay man den man atrobe cu tristeza. Sea abo un regalo precioso bek na Dios.
