Santiago of Jacobo 3:14-16 ta para skirbi: Ma si boso tin envidia amargo y egoismo den boso
curason,no sea arogante,y asina gaña contra e berdad. E sabiduria aki no ta esun cu ta baha bin for di ariba, ma e ta terenal, natural, diabolico. Pasobra caminda ta existi envidia y egoismo tin desorden y tur sorto di cos malo.
Ora nos sabiduria ta wordo uza pa perhudica otro hende, ora nos ta pone otro hende sinti
malo,keriendo cu nos ta mas sabi , of nos ta uza un cierto sabiduria pa mantene hende abao, pa
discrimina y rechasa hende esey no ta sabiduria, pero ta malicia, pasobra sabiduria cu ta bini di Dios
no ta perhudica ningun hende.
Sabiduria berdadero no ta produci ganashi deshonesto, tampoco ta ruina otro pa abo keda bon,
sabiduria berdadero ta traha na bienestar di tur esunnan cu busca sabiduria cu fe den Señor, pasobra ta Senjor ta esun cu ta duna sabiduria.
Pesey e palabra di Dios ta bisa den Santiago/Jacobo 1:5 ; Ma si cualkier di boso, falta sabiduria lage
pidi Dios,Kende ta duna na tur hende generosamente y sin reproche y esaki ta wordo duna na dje.
Pesey tur sabiduria di caya, sabiduria perverso, sabiduria cu ta destrui integridad di hende,
specialmente pa nos hobennan habri nan wowo y tene cuenta cu esey no ta e sabiduria cu ta duna
crecemento, pero esey ta malicia scondi.
Arogancia ta blokia tur sabiduria, pesey e palabra di Dios ta bisa den Efesionan 4:31 laga tur
amargura,furia, rabia,griteria,y calumnia,wordo kita for di boso,huntu cu tur malisia.Pasobra hopi ta
kere cu mal ehempel hunto cu palabra malo, ta demostra sabiduria y poder, pero alcontrario e ta
demostra bobedad y falta di educacion.
Tene cuenta cu lo siguiente:
Poniendo un banda tur malisia,y tur engaño,y hipocresia,y envidia y tur calumnia,mescos cu yiunan
recien naci, anhela na e lechi puro di e palabra, asina cu pa medio di dje boso por crece den salbacion, si boso purba e cariño di Señor.( 1 Pedro 2;1-3).
Pasobra nos mes tambe un tempo,tabata ignorante, desobedecido,ganja, sclavisa na varios pasion,y
placer, bibando den malisia y envidia,odioso y odiando otro. Ma ora e cariño di Dios nos Salbador a
parece, E a salba nos .( Tito 3:3-4-5).
No laga ningun hende bisa ora cu e wordo tenta, Mi ta wordo tenta door di Dios, pasobra Dios no por wordo tenta door di maldad y e no ta tenta ningun hende. Ma cada un ta wordo tenta ora cu e wordo atrai y seduci door di su mes pasion. Anto ora pasion concebi,e ta duna luz na pica, y ora pica keda cumpli , e ta produci morto.( Santiago 1 :13-15).
Ken cu odia su ruman ta un matado,y boso sa cu ningun matado no tin bida eterno ta permanece den dje.( 1 Juan 3:15).
E forma di papia cu ta bin dilanti awendia, cu ta manifesta cada rato e deseo pa bringa, y deseo pa
mata y deseo pa destrui, ta deseonan diabolico, pasobra e diabel a bini solamente pa horta . pa mata y pa destrui, esey ta nifica cu ora un hende ta cana den cierto caya di violencia. E malbado ta hunto cune.
Pesey nos mester tene na cuenta constantemente kico nos ta papia pasobra nos palabranan por atrae mal influencia riba nos bida. Stima nan , laga nos stima otro,pasobra amor ta bini di Dios,y tur cu ta stima ta naci di Dios y conoce Dios. Esun cu no ta stima no conoce Dios,pasobra Dios ta amor. ( 1 Juan 4:7). E amor di Dios semper lo guia nos.