SabaFeatured

Un delegacion di Saba a bay Den Haag pa reunionnan importante

Un Delegacion Di Saba A Bay Den Haag Pa Reunionnan Importante2

Un delegacion di e entidad public Saba, encabesa pa Comisionado Bruce Zagers, a yega Hulanda pa un bishita di trabou.

Algun di e puntonan di discusion durante e reunionnan aki lo ta: Prioridadnan pa desaroyo economico; reduci costo di bida; mehora conectividad; eradicacion di pobresa y desaroyo sostenibel.
Iba agenda tin reunionnan programa cu Minister di Asuntonan Economico y di Clima Rob Jetten, Minister di Infrastructura y Maneho di Awa Mark Harbers, Secretario di Estado di Relacionnan di Reino y Digitalisacion Alexandra van Huffelen, y miembronan di Tweede Kamer di Parlamento Hulanda, incluyendo Joba van den Berg di partido CDA y Jorien Wuite di partido D66.

Un ounto importante durante e bishita aki ta e lansamento oficial di Task Force Cost of Doing Business cual lo tuma luga na Ministerio di Relacionnan Interior cu Secretario di Estado van Huffelen. Esaki ta tuma luga riba diaranson, 14 di september. E meta di e Task Force lo ta pa busca solucionnan pa temanan a largo plaso cu ta exigi un asercamento total manera e codigo postal y e number cu cada ciudadano mester tin (BSN), servicionan di banco, servicio di real estatel, servicionan notarial, digitalisacion, servicio di telecomunicacion y internet, permisonan m diversificacion, transporte di ciudadanonan y medidanan relacion cu mercancia y impuesto.

Tanto e siman aki como otro siman, e delegacion lo topa cu funcionarionan halto di e diferente ministerionan, manera di Asuntonan Interno y Relacionnan di Reino (BZK), Ministerio di Asuntonan Economico y di Clima (EZK), Ministerio di Asuntonan Social y Labor (SZW), Ministerio di Salud Publico, Bienestar y Deporte (VWS), Ministerio di Agricultura, Naturalesa y Calidad di Alimento (LNV).

Topiconan di combersacion den e reunion cu e diferente ministerionan ta medidanan conhunto pa baha e costo di bida, iniciativa pa eradicacion di pobresa, posibel inversionnan den energia renovabel, temanan di conexion y tarifanan halto di aerolineanan, vivienda, asuntonan cultural, proyectonan di agricultura, y deporte,iniciativanan pa un forma di biba saludabel.

Na algun di e ministerionan, e temanan lo ta enfoca riba sigura financiamentonan structural pa e trabou cu a bin ta wordo haci na Saba na bienestar di e comunidad.

Un Delegacion Di Saba A Bay Den Haag Pa Reunionnan Importante3Un Delegacion Di Saba A Bay Den Haag Pa Reunionnan Importante

Related posts

Droga Konfiska na SABA

EA News Author

Abase di hopi interes lo haci charla di Dislexia un biaha mas

EA News Author

Formalisa structura pa e ministernan ta importante

EA News Author

Leave a Comment

Whatsapp Message