Na universidad di Aruba a tuma luga un seminario di Integridad Media. Integridad den media ta un tema cu ta biba den comunidad, aña pasa a trata e topico “Hondra bo compromiso cu Integridad” y e aña aki ta “Sigui bo compas moral” tambe e biaha aki kier a involucra diferente stakeholdersnan pa por participa na siman di integridad. Den e grupo aki tambe a tuma e decision e aña aki pa scoge pa intercambia cu media, pa e motibo aki mes a dicidi di bin cu un profesor pa atende cu e tema di media y integridad pa asina trece padilanti con e dos palabra nan aki tin cu intercambia y bay man den man cu otro.
Den e seminario Profesor Renske Pin a trece padilanti cu no ta solamente den Reino Hulandes pero rond mundo cu prensa ta cambiando, pero cu ta importante pa na Aruba nos para keto un rato mirando cu na Aruba su prensa ta mane un Wachdog, pero no ta solamente mester ta asina, mester por informa y tene tur hende honesto y educa un comunidad.
Minister di Integridad , Transporte,Medio ambiente y Naturalesa y Asuntonan di Adulto Mayor ta duna di conoce cu e medionan y e studiantenan cu tabata presente na e seminario nan por hiba e mensahe tambe di kico ta e rol di un ciudadano y con nos tur tambe por traha den un manera constructivo pa brinda informacion na esunnan necesario. E meta di e charla ta pa informa tanto e miembronan di prensa di kico nan rol ta y kico ta expect di nan, pero tambe con integridad y media tin cu traha cu otro.
A duna un splicacion di e 7 pilarnan cu a keda poni pa cu e tema di integridad unda cu un rapport a keda presenta na aña 2022 cu ta identifica diferente pilarnan cu ta trata di integridad. E 7 pilar nan aki un pa un ta purba di trece nan padilanti y atende cu nan pa e comunidad di Aruba ta mas consciente di e 7 pilar nan. Awe Aruba tin Bureau Integriteit Aruba (BIA) cu ta trahando pa asina de un forma holistico trece e principionan di integridad den nos comunidad. Di e manera aki poco poco lo bay atende cu cada un di e pilar nan di integridad y un di e pilarnan importante pa integridad den un comunidad ta MEDIA
Media tin un rol hopi importante den nos comunidad y con media ta representa y con nan mes ta organisa nan mes. Segun Minister Ursell Arends a bira ora na Aruba pa medianan tambe cuminsa na organisa nan mes pa tin nan propio reglanan y puntonan cu den nan parecer ta cumpli cu e principionan di media con ta trece informacion dilanti.
E siman di integridad ta netamente pa atende cu e tema di “Integridad den Media “ cu ta un di e pilarnan importante pa henter Aruba. Segun Minister Ursell Arends den e ministerio di integridad tambe lo tin un dia di ‘Aruba Integrity systeem strategies “ cu kier implementa.
Tambe den transcurso di 2024 lo cuminsa cu dialogo cu prensa pa wak con lo bay atende cu e strategia y na unda cu prensa tambe tin un rol grandi pa hunga den implementisacion di Aruba su strategia pa integridad.
Minister Ursell Arends ta convenci cu e prensa local mester tuma e pasonan unda cu mester uni y pone nan propio standard nan, esaki no ta e tarea di gobierno pa bay impone riba e medianan local, pero e prensa nan mes mester uni y tin un representacion cu ta representa cada un di nan perspectiva nan interesnan pa asina nan por traha den un forma harmonioso cu otro y alabes organisa nan mes unda cu gobierno mester tey pa facilita, gobierno mester por tin e rol ey tambe. Pero alabes ta kere cu den e manera cu prensa di Aruba mester keda organisa e ta den e man di e mes un prensa nan. Esaki ta un punto cu tambe a sobresali den e seminario di profesor Pin.
Hopi biaha e pueblo mes ta exigi cu kier mira reportahenan di calidad pero e realidad ta tambe cu ningun hende no kier paga pa abona na un media tampoco. Esaki ta partinan cu ta bay man den man cu otro y si e pueblo ta expect cu tur cos ta pornada con por spera cu e media por genera entrada pa asina aki por trece informacion valioso na comunidad. Tur e partinan aki a keda treci den e lectura cu ta pone pensa cu reorganisacion y organisacion di prensa local ta importante pa asina nan interes keda treci padilanti.
