Den un entrevista ariba Fox and Friends Weekends, e lider di oposicion Venezolano Maria Corina Machado a gradici Trump, pa e despliege di tropanan contra su propio pais. Den e entrevista cu Rachell Campos Duffy, sra Machado ta cuminsa papiando den nomber di e ‘pueblo Venezolano’ expresando cu nan ta gradici pa loke President Trump, Vice Pres Vance y Marco Rubio, pasobra segun Machado ‘esaki ta e manera corecto di aserca e problema.
Asina bo ta acorrala un emprendimiento criminal, cu a apodera su mes di tur recurso, a destrui nos institucionnan, a destrui nos pueblo Venezolano, cu a desestabiliza henter e region y cu a bira un peliger grandi pa Estados Unidos’ Segun Machado a sigui bisa cu “ Venezuela a bisa e base di operacion di rednan criminal di e hemisferio occidental y a bira un satelite di e Regimen di Iran. E regimen aki a pone disponibel nos teranan y nos rikesanan pa regimennan manera China y Rusia y pa teroristanan internacional, a yega tempo pa cambio!”
Despues di a pasa un video di un disidente cu tambe a wordo entrevista anteriormente na Fox News, caminda e Venezolano bibando den exilio na Merca, ta relata “ Cu e la lanta mirando militarnan haciendo ehercicio cu banderanan di Venezuela y china, Venezuela y Iran anto segun e esey no ta algo cu mester ta asina” e hoben cu no parce Venezolano a bisa na un ingles perfecto y un mirada cu tabata perfora e pantaya.
Rachell Campos Duffy ta sigui cu e entrevista di Maria Corina Machado caminda e opositora ta bisa “Desde hopi aña pasa Venezolanonan tabata expresa nan mes, cu Venezuela ta e luga caminda e regimennan aki ta bin pa enrikece nan mes, nan tin nos recursonan penetra y nan a penetra nos militarnan y a bira un menasa real pa Estados Unidos y E momento a Yega pa desmantela esaki”
E anfitrion di e programa ta puntra Machado con ta bayendo cu ne pasobra e ta den clandestinidad, Machado ta responde e pregunta “ cu si cu e ta scondi y cu henter e pueblo ta den peliger na Venezuela y e ta confia den e pueblo Venezolano.” Machado a sigui bisa “ cu Maduro ta spanta, y mester ta spanta pasobra pa prome bez ta uni y ta bayendo padilanti” Segun Machado “ tin un alianza fuerte y tin un contingente menor di militarnan di halto rango cu ta sostene Maduro y awor ta e ora pa saca nan conclusion y tuma decision, pasobra Trump no ta haciendo joke, esaki ta un asunto serio, esaki ( e regimen di Maduro) ta un empresa criminal cu ta uzando Venezuela pa canalisa miles di tonelada di droganan pa Estados Unidos.“
E lider opositora a sigui declara “ Nos na nos turno lo converti Venezuela den un hub energetico, camiando e pais di ta un cueba di criminal pa hacie e luga mas sigur di henter Latino America. Estados Unidos di America lo haya oportunidadnan energetico y di recursonan. ( den un entrevista duna 14 dia pasa, sra Machado a afirma cu ta trata aki di un suma di 11 Trillon Dollar) “ e mandatario di oposicion a termina bisando: “ Nos pais lo ta liber y mescos cu lo libera Venezuela, tambe lo libera Nicaragua y Cuba despues.” Sra Machado a termina bisando “ Pa prome biaha continente Americano lo ta liber di comunismo y dictadura” despues di esey e host di e programa a termina e entrevista cu e e entrevista di Maria Corina Machado.