Wega Division di Honor Liga Oro gana den ronde di 15min cada banda

Division di Honor liga oro a tuma luga diasabra ultimo. Esaki tabata e gran final di Dakota V/S RCA dos di e team nan grandi y fuerte durante di henter e campeonato.  No ta prome biaha e dos teamnan grandi aki a topa otro, pero aña pa aña e wega ta bira mas suspenso y mas strak cu pensamento nan di focus pa gana y menos hunga un bunita wega pa fanaticonan.

Na compleho deportivo Frans Figaroa a tuma luga e grandioso wega final di Division Honor Liga Oro entre Dakota y RCA, un wega cu tabata basta strak cu na prome parti di e wega e keda na 0-0 y den e di dos rond e wega a bira 1-0 pa RCA  un goal cu a drenta suave, pero prome cu e di dos parti a caba Dakota a poni un bunita goal y a empata e wega na 1-1.

Tribuna nan di ambos fanaticonan tabata completamente yen Datota y RCA a bin apoya nan deportistanan den e wega final.  Despues cu e wega a caba y a keda empata a pone 2x 15 min pa cada banda pa asina e wega sigui y desempata. Mester bisa e tensionnan tabata halto, pero na mes momento mas bruto y e tactica di hunga novela di laga curpa cay cada bes pa laga minuut nan core ta hunga un rol hopi grandi.

Den e di dos 15min cu a ricibi RCA a hinca e prome goal y aki ta caminda e wega a bira mas tenso ainda unda cu Dakota varios biaha dilanti di porta di goal tabata focus pa nan hinca nan goalnan, pero RCA luchando pa esaki no sosode ta pone cu e wega ta bira mas fuerte, cu den porta di goal na momento cu dakota su goal tabata pa drenta pelea a cuminsa unda cu RCA a dal un di e hungadonan di Dakota y asina tur hende a cuminsa hala mokete na otro y den 1 min referee a termina e wega tambe. Esaki tabata muestra di e temor cu RCA tabatin pa Dakota empata e wega un biaha mas y a hunga un tecnica pa logra caba e wega cu un pelea den porta di goal pa Dakota y na turno pa Dakota tira.

Banda di tur cos e tabata un wega cu hopi tension y bunita pa mira fanaticonan a bin apoya e wega final di futboll na Aruba. Sigur mester sigui apoya e deportistanan, pero na mes momento mester por mira y evalua si cada espacio cu e deportistanan ta tuma pa cay y laga minuut core ta husto pa e wega,mirando cu nan ta gana caba, esaki sigur ta un parti cu lo mester tene cuenta cu ne, si ta apropia si ta bon pa laga e minuut sigui core tanten cu e deportista ta benta eybao of mester para esaki te ora e lanta bek pa e wega sigui y asina e minuut tambe lo sigui husto.

Den su totalidad un bon wega, unda RCA a bira campeon di Division Honor Liga Oro, pabien na tur hungado.