E Barku di Marina Hulandes Zr.Ms. Groningen riba dianan 13 i 25 di Febrüari a interseptá dos transporte di droga den Laman Karibe. Zr.Ms. Groningen durante su ronda di patruyahe a keda informá di parti di un avion di patruyahe Merikano, tokante e dos ‘go-fast’ nan. Ku e boto rápido di intersepshon, FRISC, ku tabatin na bordo un ekipo kombiná di e tripulashon di e barku di Wardakosta Merikano, ku a subi na bordo di Zr.Ms. Groningen, i esakinan a persiguí e botonan go-fast. E promé go-fast a sabi di skapa, pero den esaki si a logra tira su kontrabanda den laman, ku den e kaso aki e FRISC a saka for di laman.
E kontrabandistanan sospechoso na bordo di e segundo go-fast, a entregá nan mes na momentu ku a dispará tirunan di atvertensha for di e helikopter maritimo di kombate NH-90.
E dos sospechosonan ademas di e kontrabanda a keda entregá na Wardakosta Merikano pa persiguishon na Estado Unidos. Un total di por lo ménos 500 kilo di kokaina a keda konfiská.
For di Yanüari 2025 Zr.Ms. Groningen ta e barku stashoná den region Karibe i ta aktivo den e region i ta interkambiá kolaborashon durante operashonnan anti droga huntu ku Wardakosta Region Karibe i tambe Wardakosta Merikano.
