ORANJESTAD,Aruba
Dia 24 di maart pa 9or di anochi e prome detencionnan a cay pa loke ta e TOQUE DE QUEDA na ponton.
Despues di esey tabata tin mas detencionan cu a tuma lugar na varios parti di Aruba. Te ainda ta tuma nota cu e comunidad no ta tuma tuma e TOQUE DE QUEDA na serio. Esaki ta un lastima mirando cu e decision cu gobierno ta tuma ta pa nan propio bienestar y salud.
Nos di Cuerpo Policial ta hasi un apelacion na e comunidad completo pa keda cas . Corda e horario di TOQUE DE QUEDA ta di 9or di anochi te pa su mayan mainta 6or.