Kolegio Ehekutivo a skohe pa ofisialmente proklamá 3 di desèmber komo ‘Dia Mundial di Hende ku Limitashon’ pa Boneiru.
Kolegio Ehekutivo ta haña importante ku personanan ku un limitashon na Boneiru ta haña atenshon positivo ku enfoke riba nan posibilidatnan. Pa e motibu aki Kolegio Ehekutivo ta boga pa personanan ku un limitashon por partisipá kompletamente den komunidat boneriano.
Internashonalmente ta selebrá e dia aki riba 3 di desèmber i e ta entre otro intenshoná pa enkurashá pa tene e diskushon tokante derechonan humano i oportunidatnan igual pa hendenan ku un limitashon den komunidat riba agènda.
Ku e dia aki Kolegio Ehekutivo ke tira lus riba personanan ku un limitashon i pidi atenshon pa e limitashonnan ku nos komunidat tin relashoná ku laga personanan ku un limitashon partisipá kompletamente.
