Featured Local

40 aniversario dedicando na pais Aruba


Cuater persona cu amplio experencia y dedicacion

Cuerpo Policial Aruba ta di celebracion pero tambe un momento pa recorda e esfuerso y dedicacion di cuater polis cu ta den funcion y sirbiendo nos Pais pa 40 aña largo.

Durante un evento ameno den presencia di famia, coleganan, amigonan y Altocomisario di Polis Sr. Ramon Arnhem a haci e reconocimento y gradicimento na  Mr. Jacinto Kelly, Mr. Rigoberto Tromp, Mr. Kenneth  Phillips y Mr. Eric Ras.

Cuater polis cu a mira Cuerpo Policial chiquito cu a cuminsa gatia 40 aña pasa durante Korps Politie Nederlandse Antillen despues a cuminsa cana y mira Status Aparte na aña 1986 y cu nos conoce awe como Korps Politie Aruba. Nan a mira e cambio, biba e experencia, mira e tempo di antes y y awo cu entrada di hobennan y tecnologia den e organisacion.

Pero locual hamas lo cambia ta e karakter y respet como persona y tambe Polis cu bo ta crea durante 40 aña di sirbi un organisacion Policial pero tambe sirbi un comunidad.

Sr. Arnhem ta gradici tur e famianan di e Polis pa duna cada un di e Polisnan e sosten y pasenshi pa durante 40 aña nan por a dedica nan tempo pa cu Cuerpo Policial Aruba.

Sigur awor cu nan amplio experencia nan por pasa nan batuta na nos Polisnan hoben cu awor ta den nos organisacion Policial.

Masha danki. Nos Cuerpo ta orguyoso di cada un di boso y sigur nos comunidad a sa di duna cada un di boso e respet cu boso merece y cu a crea durante tempo. Masha pabien y hopi aña mas!

Related posts

Cambio den prijs di productonan petrolero 12 di augustus 2020

EA News Author

Direktor General di Web Bonaire ta anunsiá su retiro

EA News Author

PRONOSTICO DI TEMPO VALIDO TE DIAHUEBS 02 DI JULI 2020, 18:00 ORA.

EA News Author

Leave a Comment