Featured Politica

Parlamentario Marco Berlis (MEP): Mike Eman desapareci den accion despues di requisitoir di Avestruz den corte


Mike Eman y Benny den panico pa informacion di Requisitoir di Fiscal. 

Desde cu e requisitoir di Benny Sevinger a wordo presenta dilanti corte, no wak ni scucha Mike Eman mas den Parlamento. Conociendo e fechanan di e requisitoire, Mike Eman a planifica cu e ta bay keda sin traha y representa pueblo, durante di e tratamento di presupuesto 2023. Kico a pasa Mike? Bo a spanta di e informacion y detayenan di e abuso cu a tuma lugar den DIP, durante Benny su tempo como minister di Infrastructura? Dicon bo ta asina keto awo Mike Eman? 

Mike no ta traha y pueblo tin cu paga

Bo no a bin reunion publico di presupuesto 2023, strike 1. Bo no a bini reunion publico di presupuesto supletorio, strike 2. Bo no a bin reunion publico di presupuesto di Raad van Advies, Algemene Rekenkamer, y Parlamento di Aruba, strike 3. Bo no a bin e reunion publico cu a trata e ley pa diferente dienstnan bao minister Tjon y Arends, por a bay den un solo lugar, strike 4! Bo no ta bin NIUN CHA como fractie leider, strike 5. Bo no ta bin den centrale commissie como fractie leider, strike 6. Bo no ta bin pa 98% di tur reunion di comisionnan di Parlamento, strike 7! Pueblo ta paga bo salario pero abo no kier traha ni ta presente na e trabao cual bo a wordo “scogi pe.” Esaki ta e ehempel di e “bon comun” cu un representante di pueblo mester duna? E scondemento aki pa berguensa ta e “bon comun” cu bo kier proyecta? Esaki ta e tipo di liderasgo cu e “bon comun” ta siña den su seminarionan?

Requisitoir di Avestruz ta bisa hopi

Fiscal a traha un requisitoir di no menos di 60 pagina, y pa prensa paga y Benny esaki ta poco! Sesenta pagina cu ta expone e corupcion, fraude, bendemento di patrimonio bao man, friends and family cu a beneficia y a bira stinkend rijk. E requisitoir ta describi e sobornonan y abuso cu tabata sucede atraves di e ministerio di Benny Sevinger. Fiscal a yama Benny e arkitecto di e crimen organisa aki. Un stempel minister cu a abusa di e confiansa di pueblo y cu a haci tur cos pa por ranca placa na grandi pa beneficia su mes y e grupito di friends and family.

Atakenan baho contra nos sistema hudicial.

Ora cu Benny y Mike a ripara cu no tin nada pa defende nan mes mas den e caso Avestruz, nan a cuminsa insulta landsrecherche, polis, fiscal, OM, PG y profesionalnan den e veld pa asina trata na briya memey di nan panico. Un actitud lamentabel pero sigur condenabel, mirando e intensidad cu cual nan a bin campaña contra un organo independiente cu ta encarga pa establece husticia aki na Aruba. Esaki ta e comportacion, lenguahe y actitud cu e “bon comun” ta siña den su seminarionan? E actitud aki, cu ta acusa sin prueba na man contra OM, ta loke e “bon comun” ta inculca den su hendenan? Cualkier hende cu ta wak boso ehempel y malicia solamente por conclui cu boso “bon comun” ta un “farsa comun.”

Si pueblo desea mas informacion di e articulo aki, contact mi na tel: 528-4639 of email mi na: marco.berlis@parlamento.aw / Bo parlamentario y sirbidor di pueblo na bo ordo semper!

Related posts

KNMI a instala cuatro GNSS na Whale’s Saba

EA News Author

Resumen di kasonan di covid-19 na Aruba pa awe.

EA News Author

TUI ta cuminsa cu vuelonan entre Brussels y Aruba

EA News Author

Leave a Comment