Departamento di Salud Publico awe tardi a risibi un total di 9 koelbox extra. Cu yegada di e koelboxnan aki e capasidad di DVG pa vacuna mas persona ta bira mas grandi. E koelboxnan aki lo wordo uzo pa introduci 2 unidad mobiel mas cu lo ta bishitando cas di esnan cu ta drumi na cama y tambe pa transporta vacuna pa e diferente localidadnan di vacunacion cu tin rond Aruba. Un danki na GevMin Besaril cu a yuda den e proseso pa haci esaki realidad.
