Entrantre 1 di aprel 2023, sr. Steven Senior ta e Hefe nobo di Reshèrshi di Kuerpo Polisial Hulanda Karibense (KPCN). Riba 13 di yanüari a instalá e anterior Hefe di reshèrshi sr. Irvin ‘Li’ Anthonij, komo Hefe di KPCN. Pa e motibu aki a habri vakatura pa un Hefe nobo di e departamentu di Reshèrshi di KPCN.
Steven Senior tin 22 aña di eksperensia den e departamentu di Reshèrshi di KPCN, pero a kuminsá su karera na polis na aña 1998 komo agente di Kuido Básiko di Polis (BPZ) i a krese di rango den transkurso di añanan. Di 2001 te ku 2017 sr. Senior a funshoná komo reshèrshi. Na 2017 a nombré komo Shèf den e departamentu di Reshèrshi. Minister di Hustisia i Seguridat a postulá señor Steven Senior serka Rei, pa e nombrashon komo hefe nobo di reshèrshi di Kuerpo Polisial Hulanda Karibense.
