Local

Studiantenan di Facultad di Hospitalidad y Turismo (FHTMS) di Universidad di Aruba ta invita pueblo pa sostene eventonan special pa comunidad

Studiantenan Di Facultad Di Hospitalidad Y Turismo .01

Recientemente, 29 studiante di Facultad di Hospitalidad y Turismo (FHTMS) di Universidad di Aruba (UA) como parti di nan curso di “Meetings, Incentives, Conferences and Events (MICE)  Management” a presenta nan ideanan y a elabora ariba e nuebe eventonan cu nan lo ta organisando. Durante ful e luna di april, cual ta e “Global Volunteer Month” ta celebra e trabou di voluntarionan mundialmente, ta enfoca ariba e importancia y balor di un voluntario. 

E projecto ta un ehercicio cu ta permiti nuebe (9) grupo di studiante aplica e conocimiento acumula di e teoria pa planea, organisa, y ehecuta un evento special pa recauda fondo pa un instancia den nos comunidad. E meta di e projecto “Special Fundraising Event” ta pa desaroya e conocimiento y abilidadnan di e studiantenan, pero mas aun motiva y involucra nan pa duna bek. Como futuro lider e aspecto aki ta un parti cardinal den nan desaroyo y nan compromiso cu comunidad.

Recientemente e gruponan a “pitch” nan idea / concepto na representantenan di AHATA, QUOTA Aruba, ECO DMS, y Setar N.V. Nan presentacion a inclui informacion di e instancia, motibo dicon a scohe esaki, tipo di evento, con lo mercadea e evento, recursonan cu mester pa ehecuta (voluntario, cuminda, fondo, y mas). E meta tras di e presentacion tawata pa nan ricibi feedback ariba nan evento for di e expertonan di industria y ricibi sosten pa por ehecuta esaki. 

“Cu e projecto kier logra pa e studiantenan pone den practica locual cu nan a siña durante e semester. Organisa un evento no ta algo facil, ta rekeri abilidadnan manera flexibilidad, creatividad, originalidad, bista pa detaye, initiativa, maneho di tempo, comunicacion, resolucion di problema y mucho mas. E meta adicional ta pa no solamente educa e mente, pero tambe e curason.” Sra. Jo-Anne Croes docente di e curso ta subraya. 

Nos ta invita pueblo di Aruba pa bishita e diferente eventonan y sostene nos studiantenan cu ta trahando duro y di curason pa nos comunidad. 

“Educating the mind without educating the heart is no education at all.” ― Aristotle.

 

Date Event Location Time
March 31st  Ban Uni man pa cria nos muchanan – Family Event / Raffle presented by:

Xyanthe Lacle, Timothy Fowler and Jefferson Walle

Centro di Bario Noord 6 – 10 pm
April 1st  Donkey Sanctuary – Sensational Saturday Kid’s event presented by:

Tanishka Roos, Ellie Genadry and Winson Geerman

Centro di Bario Playa Pabou 11am – 3pm
April 2nd Best Friend Foundation (Cares for Ethan) – Butterfly Walk presented by:

Sharel Croes, Jailene Croes, Fenicie Setrojdemino and Alexandra Walden

Compleho Deportivo Frans Figaroa  4 – 7pm
April 8th Nine Lives – Paint & Sip presented by:

Michelle Sabajo, Milanyela Perez, Alyssa Singh and Paige Mickle

University of Aruba 10am – 1pm

4pm – 7pm

April 9th  Fundacion Respetami – Kid’s Easter Egg Hunt presented by: 

Nair Tromp, Riteshka Chandiramani and Darick Schwengle

Parke Curason 2 – 5 pm
April 15th  Koningin Wilhelmina Kanker Fonds – Bowling Tournament/Raffle presented by:

Chantelle Lacle, Serelaine Ramos and Ana Vasquez

Centro di Bario y Deporte Dakota 4 – 8 pm
April 15th Criollo Trappers – Redemption Party presented by:

Camille Lievens and Maria Mendoza

Medusa Aruba 11pm – 4am
April 20th  Sgt. Pepper’s Friends – Furry Friends Fundraising Raffle presented by:

Shareen Baluarte, Angelica Castro, Cassandra Maduro and Takisa Dania

Facebook Live 1pm
April 30th  Fundacion Autismo Aruba – Relay for Inclusion presented by:

Kevvin Valderrama, Jose Ruiz and David Bodin

Bushiri Beach 8 – 2pm 

Facultad di Hospitalidad y Turismo di Universidad di Aruba ta reconoce e contribucion unico y strategico di e industria di turismo pa e desaroyo di Aruba y Caribe. Pa mas informacion di nos programa por bishita nos na www.ua.aw of via facebook @UA.FHTMS

Studiantenan Di Facultad Di Hospitalidad Y Turismo .10Studiantenan Di Facultad Di Hospitalidad Y Turismo .09Studiantenan Di Facultad Di Hospitalidad Y Turismo .8Studiantenan Di Facultad Di Hospitalidad Y Turismo .07Studiantenan Di Facultad Di Hospitalidad Y Turismo .06Studiantenan Di Facultad Di Hospitalidad Y Turismo .05Studiantenan Di Facultad Di Hospitalidad Y Turismo .03Studiantenan Di Facultad Di Hospitalidad Y TurismoStudiantenan Di Facultad Di Hospitalidad Y Turismo

Related posts

Trabounan di Renobacion Trapi Rodgers Beach den fase final

EA News Author

Cuater landado di Giants representando Aruba na Carifta 2024

EA News Author

Pronostico di tempo diasabra 12 di februari 2022

EA News Author

Leave a Comment

Whatsapp Message