E organisacion di deporte Indebon a amplia e deportenan cu ta forma parti di su competencianan escolar cu aquathlon i basketbòl 3×3. E aña aki pa prome biaha alumnonan di enseñansa avansa tambe ta participa na e competencianan.
Mucha muhe di enseñansa avansa ta participa na futbol di Cruyff Court i mucha homber di e tipo di enseñansa aki ta participa na basketball 3×3. E alumnonan di scol basico ta participa na competencia di trèfbal, futbol pa mucha muhe, atletismo, dam, ahedres, vòlibòl pa mucha homber, basketball 3×3 i aquathlon. E competencianan escolar ta cuminsa riba dialuna 25 di september 2023.
Alumnonan cu ke forma un tim pa participa, por meld nan mes cerca e docente di ehercicio fisico. Na scol e deportistanan hoben ta tende na unda e competencianan ta tuma luga traimerdia. E ganadonan lokal di e deportenan apart ta competi pa nos isla durante e competencianan interinsular na Boneiro den luna di februari 2023. E ora ey nan ta competi contra e ganadonan di e scolnan di Aruba i Corsou.
Na aña 2022 mas of menos 300 alumno a participa na e competencianan escolar na Boneiro. Expectativa ta cu e cantidad di participante ta mas halto, awor cu alumnonan di enseñansa avansa tambe ta participa.
E prome competencia escolar a tuma luga na aña 1993. Den cuminsamento tabata trata di futbol, basketball i vòlibòl. Despues a amplia e competencia cu e deportenan atletismo, softball, landamento, pingpong i trefbal. For di aña 2016 no tabatin competencia interinsular.