.
E siman akí ainda ta posibel pa pasa e promé angua kontra corona sin sita den sentro di bario, asina departamento di Salubridat Públiko ta informá. Durante orario pa pasa angua sin sita, abitantenan di bario por hasi pregunta tambe tokante e bakuna di corona na e dòkter ku tei na e lugá di prek. Por pasa angua sin sita òf hasi pregunta di 10:30 – 13:00 or. Abitantenan di bario ku ke pasa e promé angua mester bini ku un identifikashon bálido. Riba e siguiente dianan por pasa na sentro di bario pa pasa angua sin sita :
Djaluna 3 di mei 2021 Sentro di bario Tera Kòrá
Tambe pa abitantenan di Nikiboko
Djamars 4 di mei 2021 Sentro di bario Nort’i Saliña
Djárason 5 di mei 2021 Cocari, Rincon
Djaweps 6 di mei 2021 Sentro di bario Amboina
Djabièrnè 7 di mei 2021 Plasa Chicu Goeloe, Antriol
Siudadano ku no tin transporte, por yama grátis na 0800 0900. Na e number ei por traha un sita tambe pa e promé òf di dos angua kontra corona. Por yama 0800 0900 tambe pa hasi pregunta tokante e bakuna.
1 comment