Partido Curpa ta felicita pueblo cu a sali manifesta y para pa e famia cu Dios a institui. Minister Arends den nomber di gobierno a tuma e manifesto. Nos por a mira claramente cu por fin gobierno a demostra ken nan ta. For di e discurso cu nos minister president a hiba na Den Haag a mustra su cara berdadero. Pa hopi tempo gobierno a bira y manipula. Esaki no ta di awor sino for di 8 di September 2016 gobierno tras di gobierno a demostra den ki direccion nan ta bayendo. Porfin pueblo por mira ken e lobonan aki ta.
Cada accion tin su consecuencia. Partido mep, partido raiz y tambe partido avp ta di acuerdo cu e matrimonio di mesun sexo. Den pasado partidonan manera Democracia real, partido por y red democratico cu tambe tabata na fabor di matrimonio di mesun sexo no t’ey mas. Partido avp cu a bandona su ideologia Cristian y keto bay no kier arepenti, lo bay wordo confronta cu e realidad di durante e proximo eleccion no lo bay dilanti. Despues di a habri porta pa geregistreerd partnerschap y awor kier sigui cu matrimonio di mesun sexo. Esaki lo no para akinan paso despues di matrimonio di mesun sexo lo sigui pa legalisa pedofil tambe.
E agenda pa legalisa matrimonio di mesun sexo tabata desconoci pa hopi aña. E tabata scondi den e agenda 21 cu a bira agenda 2030. Awor mas cu nunca nos por mira gobiernonan rond mundo cu ta forma parti di e agenda 2030 ta pusha pa ehecuta e 17 puntonan pa asina pueblo kita bo libertad y kita bo privacidad. Esaki ta e agenda globalista cu lo controla tur cos paso hasta cuminda y awa lo wordo controla. Pueblo mester come carni artificial. P’esey mes nos prome minister a firma cu CommonTrust Network di World Economic Forum paso e prome stap ta kibra economia di pais Aruba y hasi tur hende esclabo di debe. E lema lo bo no tin nada y lo bo ta feliz. E metanan Sustainable Development Goals ta: reduce e candidaat di habitante na mundo pesey nos por mira con ta maltrata nos grandinan, kita bo libertad y esaki ta inclui e libertad di prensa y kita bo privacidad y tambe caba cu comercio. Pakiko nan ta sponsor e grupo di LGBTQIA+ number ta crea division (divide y conquista) y di 2 ta cu nan no por produci kiermeen ta contribui pa baha e poblacion mundial.
Ora un gobierno ta bay contra leynan di Dios y bay contra di e matrimonio cu Dios a crea ta bay tin problema. Nos ta kere cu Dios ta para cu zweep den su man pa cuminsa suta y kibra tur cos cu ta bay contra di su principionan. Asina tambe habitanenan di Babel a kere di por bay contra Dios. Nos por a lesa kico a pasa cu e toren di Babel. Cocolishi tambe ta un replica di e toren di Babel. Esaki ta un consecuencia tambe pa hopi hende cu aña tras di aña a kere den partidonan politico cu bow di engaño y manipulacion ta drenta gobierno. A yega tempo pa e toren bin abao. Banconan mundial lo cuminsa cay den otro. Pronto no lo tende di dje. Esaki ta e tempo pa scohe pa Dios of scohe pa e malo. Cada ken ta liber ta scohe nan caminda y na final e consequencianan nos tin cu biba cu ne. Partido Curpa a lanta netamente pa lucha contra di locual cu ta biba awe p’esey mes partido Curpa ta e unico alternativa.