Museum di Korsou a crea un fondo pa cuminsa cu renovashon y restaurashon di e edificio historico caminda nan ta ubica, na Otrabanda. E museum ta den un edifisio monumental construi na 1853 cu tabata fungi como hospital militar. E trabaonan ta programa pa cuminsa aki 2 anja y lo ta renobashon y restaurashon na gran escala, segun directora di e Museum Judaline Cyntje.
Na anja 2024, a elabora un rapport di restaurashon cu a inclui mapanan y specificacshonan, a ser realisá bou di supervishon di Ergün Erkogu. Desde cu a hasi e rapport ei, e costonan di konstrukshon a aumenta mas ainda, loke ta nifika ku e museum ta bay tin mester aproksimadamente entre 1.5 i 2 miyon florin pa e renovashon.
Cyntje: “E plan ta pa haña e fondonan aki di varios fuente. Nos ta buska proveedornan di subsidio di restaurashon di edificionan historico, organisando un kampania pa recauda fondo i sperando ku e empresanan y companianan yuda den patrosinio y sponsor di e restaurashon. Nos ta spera ku den dos aña nos por recauda e kantidat nesesario.”
E dak ta un prioridat. “E panchinan di dak mester wòrdu kambia. Despues di un otro lapi e dak, a yega e momento pa kambia e dak y e panchinan kompleto. E lieknan di e dak ora cu tin awacero ta kita mi soño, den temporada di yobida. E lieknan por causa inundashon y ta un di e pio kos ku por pasa na un institushon cu ta cuida patrimonio cultural di un pais. Un di nos tareanan ta konservashon di obra di arte, antiguedatnan, obhetonan antropológiko i arkeológiko. Awa i nos kolekshon no ta kombina,” segun Cyntje ta deklará. “Ademas, e biganan y structura di e dak tambe mester wòrdu kambia. Tin algun área cu nos ta bay realisá un mantenimento importante den e murayanan.”