Parlamentario Endy Croes ta indica cu, aunque e compañía Trafigura finalmente a gana e bidding pa operacion di servicio di jeffuel, gasolin y diesel, e director cu tabata responsabel pa hiba aden e proseso di manera corecto a wordo manda cas repentinamente.
Croes a splica cu riba 18 di augustus tabatin e apertura oficial di e bidding. Un dia despues, 19 di augustus, a wordo manda un notificacion na esunnan cu a participa cu no a cumpli cu tur e rekisitonan, informando cu nan no lo sigui aden te na e etapa final.
E parlamentario a agrega cu 22 di augustus tabata e ultimo dia pa entrega e miho oferta. Segun e agenda formal di e bidding, riba 8 di september tabata fecha pa anuncia e compañía ganado cu, den e caso aki, tabata Trafigura.
No obstante, Croes a relata cu despues di esaki tabatin cambionan diripiente den e proceso, loke a lanta cuestionamento tocante transparencia y integridad. E parlamentario ta pidi mas claridad riba e motibonan atras di e desaroyonan repentino y insisti cu pueblo merece un splicacion completo