Port St. Maarten Group (PSG) ta contento di anuncia cu preparacionnan ta na caminda pa e spectacular show di “Vuurwerk” di fin di aña riba Great Bay, un punto halto di celebracionnan di Aña Nobo di e pais, cu lo tuma luga na mey anochi riba diasabra, 31 di december.
PSG ta hopi feliz di por trece e show di “Vuurwerk” di Aña Nobo atrobe pa comunidad y stakeholdernan, pa un nochi di dushi, diversion y celebracion mientras nos ta drenta e aña nobo 2026.
Pa garantisa e siguridad di tur participante e reglamentonan maritimo ta stipula cu mester establece y mantene un zona di exclusion di siguridad stricto di 250 metro rond di e plataforma for di caminda lo lansa e “Vuurwerk”, a cuminsa riba diasabra, 31 di december 2025, for di 11:00 di mainta te mey anochi
Di conformidad cu esaki, maneho di Port St. Maarten ta emiti un aviso pa tur marineronan, botonan y marinanan cu tin nabegacion hancra of mara den Great Bay, pa haci preparacionnan segun e anterior menciona.
PSG ta stimula tur hende pa disfruta di un celebracion di Aña Nobo sigur y yen di alegria hunto cu famia y amigonan durante e show di “Vuurwerk” na Great Bay riba diasabra, 31 di december, segun declaracion di e compania.
Maneho di PSG ta desea henter e comunidad un 2026 sigur, salud y prospero.
