Un publicacion recien riba rednan social door di Dimitri Halley a lanta debate y preocupacion den ambiente politico y mediatico local, unda e ta analisa fragmentonan di un buki historico nobo tocante e rol di Corona hulandes durante e proceso di Status Aparte di Aruba.
Segun e texto comparti, e buki ta haci referencia na declaracionnan atribui na Reina Beatrix, kende supuestamente a califica e Status Aparte di Aruba como “fatal”. Entre e citanan destaca ta wordo menciona e frase: “Waarom moet Betico zoveel schade doen – daarop ingaan? Tijd winnen! Hij zal eens wegvallen. Dat afwachten”.
Sinembargo e realidad ta cu desde Aruba ahaya su status aparte , Aruba ta un Pais cu a bay dilanti, no un pais cu a keda atras manera na momento cu e tabata bou di Corsou y instruccion ta bin di Hulanda. E desicino di Betico Croes tabata e miho desicion di direccion cu Pais a tuma unda cu Arubianonan por tuma decision riba nan mes un Pais. Awo dicon Prinses Beatix ta lo contrario di esaki ? Kisas paso kier grip di Aruba ? kisas laga e Arubianonan abou y privilegia Hulandes nan enbes di un Arubiano Hulandes? Kier poder ? Kico ta e motibo segun Prinses Beatrix cu e decision no tabata bon?
Interpretacion y discusion riba e contexto historico
E contenido di e buki ta aclaria explicitamente cu for di e notanan no por deduce cu e expresion “cay/desaparece” (wegvallen) tabata haci referencia na e fayecimento di e lider politico Gilberto François “Betico” Croes, sino na e neutralisacion of debilita di su rol como figura politico dominante riba e isla.
Sinembargo, e publicacion di Halley ta cuestiona e forma den cual e autornan di e trabou historico aki ta hustifica of dirigi e interpretacion di e declaracionnan ey. Den su opinion, ora un investigacion cu ta presenta su mes como un estudio cientifico ta purba di pusha e narrativa den un direccion especifico, tin e riesgo cu e ta converti den un manifesto di relacion publico (PR manifesto)?.Kico relmete ta e intencion di Hulanda cu Aruba?
Tension riba autonomia y husticia den Reino
E analis di Halley ta bay mas leu di e plano puramente historico pa conecta e revelacionnan aki cu e coyuntura politico di awe. Den e escrito ta wordo plantea un reflecion critico riba e contraste den e actuacion di e organonan di husticia den Reino Hulandes, comparando e falta di persecucion penal contra altisimo funcionarionan na Hulanda (manera den e caso di toeslagenaffaire) cu e mandamento di fiscalnan pa Aruba pa persigui ministernan local.
E autor di e mensahe ta conclui marcando e dicho popular “unda tin huma, tin candela”, cuestionando si e politiconan cu ta mas fuerte contra e proceso di recolonisacion y pa e autonomia di e pais ta wordo saca for di caminda di manera sistematico. Mirando e panorama aki, ta invita e ciudadania pa reflexiona y debati riba e coincidencianan y e implicacionnan cu e echonan aki por tin den e realidad di awe.
Awo realmente colanisacion, esclavitud a caba, e despensa cu a ser duna ta un despensa real of fake ?
