The Challenge gym a ricibi donacion di Dojo ‘Yokoso’ di Hulanda

Diaranson  ultimo a toca parti na e gym di Thuersten Winklaar, The Challenge pa ricibi un donacion di diferente material cu a ricibi di e Dojo ‘Yokoso’ di e famia Engelhardt-Abraham na Hulanda.

Ta bon conoci cu BonKarate ta train regularmente na The Challenge ku su karateka nan, pa asina lanta e nivel competitivo mas tanto ainda pa e deportistanan den e ramo aki.  Tin un relacion hopi cera enter di BonKarate y The Challenge, como cu Thuersten Winklaar ta un un Senpai y coach pa cu e atletanan di BonKarate.

Na e ocasion aki tambe, Thuersten Winklaar di The Challenge y Sensei Peter Silberie mesora a regala algun material na algun di e atleta nan di kickboxing. BonKarate ta hopi contento di por comparti material cu e la ricibi cu otro organisacion deportivo, pa’sina yuda na halsa e nivel deportivo.