Bonaire

Tourism Corporation Bonaire ta yama bon biní na agentenan di biahe di American Airlines

Image000

Tourism Corporation Bonaire (TCB) ta kontentu di por yama bon biní na diferente partner di medionan di komunikashon (prensa i blòger) for di Merka i Hulanda ku ta bin Boneiru pa presensiá e promé edishon di e Siman di Ròm Boneiru. 

For di 15 te ku 20 di yüni 2022 TCB ta risibí Bianca Kramer di foodtravelphotography.com. E blòger i periodista kulinario hulandes akí lo forma parti di e Siman di Ròm Boneiru i e ta bai skirbi tokante su eksperensianan na nos isla durante e Siman di Ròm Boneiru den su ‘food & travel blog’ i riba e plataforma kulinario hulandes eatly.nl.

For di Hulanda TCB ta yama bon biní na Bas Erkens di foodies.nl for di 14 te ku 19 di yüni 2022. E periodista kulinario hulandes akí ku ta alabes redaktor di web di foodies.nl, un di e plataformanan kulinario di mas grandi na Hulanda ku 450.000 UMV, ta presente na e promé edishon di e Siman di Ròm Boneiru i lo eksplorá tambe e desaroyonan i eksperensianan kulinario nobo na nos isla. 

For di Canada ta yega Kate Dingwall ku ta skirbi tokante bibida stèrki i biña i ku ta alabes periodista i redaktor ‘free lance’ di Forbes.com. E ta bishitá nos isla for di 13 te ku 18 di yüni 2022. Su artíkulonan ta sali entre otro den Wine Enthusiast, MAXIM Magazine i Liquor.com.

Finalmente for di Merka ta bini Betsy Andrews, un periodista i redaktor ‘free lance’ for di New York, ku ta spesialisá den biña, bibida stèrki, kuminda, biahamentu i medio ambiente. For di 11 te ku 15 di yüni 2022 e ta bishitá Boneiru. Su artíkulonan ta sali den vários publikashon, entre otro Food & Wine, Travel + Leisur, Condé Nast Traveler, SevenFifty Daily, Liquor.com i mas.

Related posts

Gobierno di Boneiru a konmemorá tur víktima hulandes desde Segundo Guera Mundial

EA News Author

E ganadónan di e kompetensia di poesia ‘E poder di nos historia’ ta konosí

EA News Author

Assosacion SIP ta haci apelacion na Konseho Insular

EA News Author

Leave a Comment

Whatsapp Message