For di 25 di febrüari 2022, biaheronan ful bakuná i no bakuná for di Saba i St. Eustatius pa Boneiru mester yena solamente un deklarashon di salú. Te ku 24 di febrüari 2022, biaheronan ful bakuná for di e islanan akí pa Boneiru mester hasi ainda un tèst di PCR dentro di 48 ora promé ku salida òf un tèst antigéniko dentro di 24 ora promé ku salida. I te ku 24 di febrüari 2022, biaheronan no ful bakuná for di Saba i St. Eustatius mester hasi un tèst di PCR dentro di 48 ora promé ku salida.
For di 12 di febrüari 2022, Boneiru a suavisá kondishonnan di biahe pa Kòrsou, Aruba i St. Maarten komo ku e pik di ómikròn na e islanan ei a pasa. Suavisashon di e kondishonnan di biahe pa BES por a drenta na vigor mas despues numa. Esaki pasobra islanan BES ta munisipio spesial di Hulanda. Pa kambia e kondishonnan di biahe pa e islanan ei, mester enkaminá un otro kaminda ku pa Kòrsou, Aruba i St Maarten. I esei ta tuma tempu.