LocalFeatured

Abogado di Rector Colegio Arubano: Rector geschorst na un manera dictatorial y completamente innecesario

Rector Colegio Arubano

Ayera rector di Colegio Arubano a pidimi conseho huridico den un situacion indesea cu e y mayoria di su docentenan ta den dje. E conseho a wordo duna y speransa tabata cu e situacion por wordo soluciona pacificamente.

Awetardi mientras docentenan hunto cu conrectornan y e Rector di Colegio Arubano tabata den un reunion di urgencia pa presenta Directiva di SVOA un carta, presidente di SVOA a forsa mi cliente den un oficina y na un forma bruto obliga e rector pa
splika kico a papia den e reunion cu docentenan.

Logicamente cu e Rector na accepta e forma di “reuni” aki. Polis a wordo yama pa por calma e situacion cu a bira hopi tenso. Rector a duna di conoce cu e ta keda dispuesto pa reuni pero den presencia di su abogado.
Ora hunto cu mi cliente nos tabata warda e resto di directiva yega Colegio Arubano pa por hiba un reunion, directiva a dicidi di schors e Rector.

E Rector no ta accepta e schorsing y ya a informa directiva di esaki.

Mientrastanto ta compronde di e cuerpo di docente do Colegio Arubano cu mayan lo pone trabou completamente abou.

Rector, conrectornan y docentenan ta spera cu directiva di SVOA sa di minimalisa e daño cu esaki por trece pa enseñansa na Colegio Arubano.

Rector un bes mas ta enfatisa cu e ta dispuesto pa papia cu directiva y sigui haci su trabou.

Related posts

Minister Endy Croes: Un momento historico pa Universidad di Aruba

EA News Author

Cabesantenan di scolnan basico di SKOA, Staff y directora a haya un presentacion for di Pius X School

EA News Author

Inscripcion a habri pa Arte di Palabra 2022

EA News Author

Leave a Comment

Whatsapp Message