Parlamentario Dangui Oduber ta lamenta cu ainda gobienor di AVP-FUTURo no ta completo , parlamentario Mike de Meza te ainda ta luchando den corte, minister herde cu tin 6 pension cu ta ocupando un posicion di minister temporal , tampoco Aruba no tin un minister plenipotenciario cu ainda no a wordo yena. Na e momentonan aki opcion ta bay ta un oposicion hopi critico y al caso pa asina pone na luz e preocupacionnan cu ta biba den comunidad unda cu mester pone pa gobierno di AVP –FUTURO atende cu e retonan cu tin na e momentonan aki. Ta mira bon cla cu e prioridad di gobierno ta un prioridad robes unda cu tin minister nan cu ta mas afo cu nan ta na Aruba. Minister Gerlien Croes cu den apenas 130 dia di gobernacion e tin 30 di afo unda cu 4 biaha caba ta biaha pa Hulanda siendo cu na Hulanda no tin gobierno unda cu e no por biaha como un biahe di trabou, esaki ta malgastamento di placa di gobierno di Aruba. E biahe nan di Minister Gerlien Croes ta completamente robes.
Parlamentario Dangui Oduber ta duna di conoce cu ainda no a trata e ley di Landsverordering Instelling Ministerie LIM cu ta duna cada minister e autoridad pa firma conforme ley ta prescribi, pero despues di 5 luna e ley di LIM cu ta esun di mas importante pa un minister funciona manera mester ta e ley no a wordo trata.
Segun parlamentario Dangui Oduber , esaki ta e refleho cu tin den comunidad di Aruba unda cu e gobienro di AVP –FUTURO a hiba un campaña di promesanan falso cu promesanan bashi y engaño y na unda tin un gobierno caotico cu te ainda no a forma un gabinete completo. Enbes di Aruba progresa ta mira claramente cu Aruba ta bayendo cu stapnan grandi atras.
