Recientemente un control di trafico rutinario a resulta den e aresto di un homber sospechoso cu a wordo hañá den posesion di droga peligroso, autoridadnan ta kere cu ta kristal-meth, e Cuerpo Policial di St. Maarten (KPSM) a informa.
Polisnan a para un Kia Picanto blanco durante e madruga I a bay over na controla den e auto, durante control a descubri e droganan pisa y peligroso. E sospechoso a ser aresta inmediatamente y a ser hiba na e warda di polis na Philipsburg, unda e persona a keda deteni pa interrogatorio.
Polis a bisa cu e hecho a resalta preocupacionnan creciente cu tin substancia peligroso manera kristal-meth y fentanyl por ta circulando na e isla. Kristal-meth ta un stimulante altamente adictivo cu por causa daño fisico y psicologico severo, incluso problema di curason, atake celebral y paranoia extremo, KPSM a alerta.
Fentanyl, un opioide sintetico, ta presenta riesgo aun mas halto. E ta hasta 50 biaha mas fuerte cu heroina, y incluso un cantidad minimo por ta fatal pa un persona door di para su respiracion. Autoridadnan di St. Maarten tambe a alerta tambe cu fentanyl ta ser mescla mas y mas cu otro droganan, incluyendo kristal-meth, loke ta aumenta e riesgo di sobredosis aksidental.
KPSM a enfatisá su compromiso pa confronta e uzo y distribushon di droga na Sint Maarten i ta urgi e publico pa tuma e alerta na serio. Residentenan ta ser encurasha pa reporta cualke informacion relaciona cu actividad di droga na polis. Segun Daily Herald.