Akademia Popular Errol Scoop e ala di formashon di Movementu Kousa Promé a terminá otro siklo ku entrega di sertifikado na 70 partisipante. E kurso tabata un ehersisio den kuadro di edukashon emansipatorio. E meta tabata konsientisá pueblo di Kòrsou i kontinuá e proseso importante di independensia di e pueblo di Kòrsou. E kurso a konsistí di 10 lès. Durante e kurso kursistanan a haña dos pregunta kardinal pa kontestá. Kiko a pasa e yu di Kòrsou ku te awe den siglo 21 ainda e no a emansipá? Kon a bai ku nos rumannan di eks Antia. Kon a para ku nan proseso di emansipashon? Dosentenan pa e kurso importante aki tabata prof. Dr. Rose Mary Allen, mr. dr. René Rosalia, drs. Ellen Maduro-Jeandor, drs. Jeanne Henriquez Msc, sr. Clyde van Putten representando Sint Eustatius i sr. James Finies representando Boneiru. Akademia Popular Errol Scoop pronto lo lansa su próksimo siklo di kurso di konsientisashon. Keda pendiente pa e tema ku lo trata. Kursonan di Akademia semper ta grátis. Un pueblo informá ta un pueblo ku defensa.
