Awe, djadumingu 15 di desèmber, alrededor di 4 or di mardugá ‘meldkamer’ sentral a risibí notifikashon di un atrako ku violensia na un bankomátiko riba Kaya Monseigneur Nieuwindt. Algun ratu despues a detené dos persona en konekshon ku e kaso aki. Ta trata di dos hende hòmber di 25 aña di edat, di inisialnan R.R.A.F. i J.R.V.
En konekshon ku e investigashon, a tene un entrada hudisial na kas di un di e sospechosonan riba den bario di Nawati. Na e adrès a konfiská diferente artíkulo relevante pa investigashon.
Polis ta pidi un i tur ku informashon ku por ta relevante pa e kaso pa mèldu esaki via 715 8000 of e liña di tep anónimo 9310.