BonaireFeaturedInternacional

Laga nan tèst bo si bo tin keho di corona, despues di bakunashon tambe

Img 0936

Si bo tin keho ku por ta un indikashon di corona, laga nan tèst bo mesora! Esei ta e yamada ku departamento di Salubridat Públiko ta hasi un biaha mas, despues ku e último simannan e kantidat di tèst a bira hopi ménos. Hopi biaha hendenan ku keho manera tosamentu,fèrkout i kentura ta bai hasi tèst despues di algun dia òf nan no ta bai tèst mes. Ku esaki e riesgo riba infekshon ku corona ta bira mas grandi. Solamente si bo laga tèst bo mes bo por ekskluí ku bo tin corona! Por hasi tèst grátis tur dia na e drive-thru na departamento di Salubridat Públiko. Yama 0800 – 0800 pa un sita.

 

For di dia ku a habri registrashon departamento di Salubridat Públiko ta haña hopi pregunta si bo por haña corona ainda despues di e promé bakunashon. Tin hende tambe ku ta puntra nan mes si bo por haña corona pa medio di e bakuna òf ku ainda bo por pega ku e vírùs no opstante bakunashon. Dòkter di Salubridat Públiko Marian Luinstra ta splika: ‘Sigur ta posibel ku djis promé ku e bakunashon, sin ku bo mes a ripará algu di esaki, bo a infektá ku e vírùs di COVID. Den un kaso asina despues di bakunashon tòg bo por haña síntoma i bo tin ku laga nan tèst bo. Despues di bakunashon tambe bo por keda infektá ainda i – sin ku bo mes ta bira malu – bo ta infektá otronan.

 

Pa e motibu aki ta importante ku hendenan ta keda tene distansia, bisti un tapaboka, laba man frekuentemente i traha mas tantu posibel na kas. Esaki pasobra e vírùs ta na nos isla ainda i ta nos mes komo hende ta sòru ku e ta sigui plama ketu bai. Loke en todo kaso no por, ta ku bo ta keda infektá pa medio di e bakunashon. Esei ta imposibel pasobra e bakuna no ta kontené e vírùs.

 

Gezaghèber Edison Rijna ta enfatisá: ‘Ta te ora ku por lo ménos 70% di nos hendenan haña bakunashon, nos ta bai triunfá riba e vírùs. Tanten ku esei no ta e kaso, e vírùs di corona ta keda presente na Boneiru. Pues mi konseho ta: tene bo mes na e medidanan, laga nan tèst bo ora bo tin keho i kontribuí asina na un Boneiru ku ta liber di vírùs!’

Img 0936 Scaled

Related posts

Presunto kitesurfer cu a trece droga deteni y rugtas cu droga confisca

EA News Author

Minister Maduro di Finansa: IMF su Article IV Mission ta na Aruba pa haci evaluacion financiero y economico di nos pais

EA News Author

Accidente fuerte dilanti Directie Voogdijraad

EA News Author

Leave a Comment

Whatsapp Message