Gezaghèber Edison Rijna i minister di Defensa Ank Bijleveld a interkambiá di idea tokante presensia di Defensa den e parti karibense di Reino i importansia di esaki, por ehèmpel pa protekshon di nos islanan.
Tin vários proyekto di koperashon den planifikashon, manera ekipá un Punto Sentral di Konekshon Marítimo Multidisiplinario i krea un Sentro Regional di Informashon i Ekspertisio Hulanda Karibense. Den esaki Defensa ta un partner importante. Ámbos relashon di koperashon ta kontribuí na oumentu di siguridat riba nos isla, spesialmente den e lucha kontra krímen organisá.
Pa tene kriminal pafó di Boneiru un supervishon adekuá di frontera tambe ta di importansia, motibu pa kua a para ketu na esaki tambe durante e kòmbersashon. ‘E koperashon ku minister Bijleveld i su ministerio ta ekselente. Komo eks sekretario di Relashonnan den Reino e konosé Boneiru bon. Aunke ku esaki entre tantu ta mas ku 10 aña pasá kaba, su embolbimentu ku nos isla te ainda ta grandi’, segun Rijna.
Gezaghèber a ekspresá su apresio pa e trabou sosial boluntario ku militarnan ta hasi ora ku relashoná ku hasimentu di ehersisio nan ta permanesé na Boneiru.
1 comment