Awe, djadumingu 15 di desèmber, polis a risibí notifikashon di un kachó ku a venená i a fayesé. Despues di investigashon a resultá ku na vários sitio den e área di Lagun, deskonosínan a pone kuminda di kachó mesklá ku e pestisida ilegal “Tres Pasitos”.
Kuerpo Polisial Hulanda Karibense(KPCN) ta atvertí doñonan di bestia pa ta alerta pa ku e fenómeno aki. Ademas ta pidi un i tur ku tin mas informashon tokante e ponementu di venenu aki pa tuma kontakto ku polis na 715 8000 òf via di e liña di tep anónimo 9310.