E siman di fiesta tras di lomba a representa un reto operacional pa e departamento di ambulans, kende a registra un subida den e cantidad di yamadanan pa asistencia compara cu e aña anterior. Apesar di e aumento den volumen, e autoridadnan ta cualifica e periodo como uno “relativamente keto” den e sentido cu e casonan no tabata di naturaleza extremo.
Segun e cifranan presenta, aña 2026 a cera cu un total di 110 incidente. Esaki ta un aumento notabel si tene na cuenta cu na aña 2025 a registra un total di 76 caso. Esaki ta nifica un incremento di mas di 40% den e demanda pa servicionan de emergencia den e mesun periodo.
Contrario na locual hopi por pensa, e presion no a bini necesariamente for di e playanan. Hefe di departamento di ambulance Liberato Hoek a splica cu e incidentenan den e area di campamento y beach tabata hopi mas abao e biaha aki. En cambio, e tendencia tabata enfoca riba:
- Asistencia na cas: Mas persona a bira malo den nan mesun hogar, loke a genera mas melding pa e servicionan.
- Trafico: Tabatin un registro un poco mas halto di accidentenan di auto compara cu aña pasa.
Un punto clave den e operacion tabata e capacidad di e ekipo. Aruba a wordo cubri pa tres post strategico: un post central y dos post satelite, loke a permiti un “deckingsgraad” optimal pa henter e isla.
Danki na e distribucion aki y un sistema di rotacion preventivo, a logra mantene un tempo di respuesta di apenas 5 minuut pa casonan di urgencia (A1). Ademas, den momentonan caminda tur e unidadnan tabata ocupa, a activa e Rapid Responder pa sigura cu ningun caso a keda sin atencion.
E exito di e operacion tambe ta debi na e colaboracion cu otro instancianan di siguridad:
- Cuerpo di Bombero: Ta traha hunto den casonan caminda mester rescata personanan pega den auto of baha pashentnan for di dos piso di un edificio cual cu no a haya den e temporada aki.
- Cuerpo Policial: Un aliado fundamental, specialmente pa e siguridad di e paramediconan mes ora nan ta atende situacionnan den comunidad.
Hefe di departamento di Ambulance Liberato Hoek ta subraya e importancia di un bon planificacion y e disponibilidad di recursonan pa garantisa e siguridad di e pueblo den dianan di hopi movecion durante di cuaresma.