ORANJESTAD,Aruba
Parlamentario Endy Croes a keda sorprendi momento a lesa un articulo di Parlamentario Richard Arends culpando gobierno di a hisa gastonan operacional y di personal. Segun Croes Parlamentario Richard Arends mester a dal algo cu no a sali bon cune. Imposibel cu un cabayero studia por permiti su mes pa manipula y gaña publicamente na e manera aki. Ta pa e rasonnan aki Aruba ta awe unda nos ta.
Segun Richard Arends Aruba apenas a ricibi 100 miyon di 1.3 Biyon:
Parlamentario Arends a splika cu Aruba apenas a ricibi 100 miyon florin di Hulanda di un presupuesto di 1.3 biyon. Pa cuminsa Arends y AVP a vota contra e presupuesto aki na final di Maart. Pues AVP a rechasa e 37000 mama y tata nan di famia cu a perde trabou y no tabata kier pa nan ricibi un ayudo. Alrespecto cifrasnan fantasma cu Richard Arends ta usa nos lo mester corigie un rato. Aruba a ricibi 42.8 miyon na April, un otro suma di 49.4 miyon 1 di Mei y 15 di mei Hulanda a aproba un suma di 113.3 miyon. E ultimo aki tabata reparti den 49.4 miyon loonsubsidie y 63.9 miyon liquiditeitssteun y awor ta preparando pa ricibi e siguiente ayudo 3 di Juli proximo. Pues Aruba a ricibi un total di Afl. 205.6 miyon y no 100 miyon manera Richard ta pretende. Hecho cu Richard Arends ta publica ayera cu Aruba a ricibi 100 miyon ta muestra di e gañamento y manipulacion di politiconan di AVP. Corupto te den nan weso di lomba.
Manipulacion di AVP ten Top!
Den mesun articulo aki e “kroonprins” di AVP Richard Arends ta sigui manipula cu gastonan operacional y di personal a aumenta cu 165 miyon na 2017. Ken tabata den gobierno na 2017 te cu 17 di November? Richard Arends y AVP en persona. Awor Bo lo kier blame gobierno nobo pa Bo propio actonan na 2017? Esaki ta forma con Richard Arends y AVP ta manipula pero ta pesey nos tey pa contra aresta tur manipulacionnan di e coruptonan di AVP. Kantoor di Evelyn Wever Croes so a baha gasto di personal cu 9 miyon compara cu e “feestkantoor” di Mike Eman.
Gastonan di Personal a aumenta cu 81.3 miyon bou AVP:
Richard Arends a cobra 4 miyon florin pa servicionan cu el a brinda Mike Eman y Mike de Meza via su compania Horizon Consultancy. Richard “himself” ta e autor como consehero cu a percura pa e aumento despropocional di gastonan personal di gobierno. Conseho di Raad van Advies data 9 di Januari 2020 riba pagina 15 esaki ta wordo splika ampliamente. Alaves den onderzoeksrapport di Algemene Rekenkamer 2017 riba pagina 15-17 tambe ta refuta esaki. Gastonan personal a aumenta desde 2009 di 392.8 miyon y a alkansa 474.1 miyon na 2017. Un aumento di 81.3 miyon igual na un aumento di 10.2 miyon pa aña. Esaki tabata e manera cu Richard tabata conseha gobierno anterior anto awe Richard tin e pudor di culpa e gobierno aki kende hustamente a corta masha hopi gasto y ta pagando pa e fiesta di AVP & Friends. Shame On You Richard!