Actualmente tin un proceso di casacion contra di ehecucion y implementacion di matrimonio di mes un sexo . Sinembargo ya caba Aruba a kraak e matrimonio unda cu e tin un deuk caba cu yama union civil, segun Frank Daal. Por bisa cu ya caba Aruba a haci algo. Tambe tin un ley pendiente pa legalisa y redifini matrimonio pa inclui e mes un sexo den dje, esaki lo mester sosode den nos propio parlamento.
Den December aña 2022 hof a dicta pa Aruba riba nos parlamento den un forma raro y ta indica cu e matrimonio di mes un sexo mester wordo estableci. Segun Frank Daal aki ta caminda cu gobierno ta dicidi di bay casacion y ta mustra cu no ta contento cu e decision di Hues. Na mes momento a nace e iniciativa pa cuminsa cu un accion di firma pa asina midi kico sociedad ta pensa riba matrimonio di mes un sexo. Na momento cu e accion di firma a cuminsa a yega na 14 mil firma unda cu e comunidad di Aruba a firma den un forma facil.
Den henter e proceso aki lamentablemente nos yiunan a keda exponi riba nan ideologia di genero sin permiso di nan mayornan. Mester bisa cu actualmente e ideologia di genero aki ta wordo duna tras di cortina un cantidad grandi di mayor ta sumamente preocupa di e les nan cu ta wordo duna sin un ley y sin permiso di e mayornan. Esaki sigur ta un falta di respet pa nos muchanan di Aruba.
Lamentablemente e situacionnan aki ta pasando na Aruba y si e ley pa permiti matrimonio di mes un sexo pasa den parlamento e lo ta e porta principal pa e resto di e leynan bin. E agenda cu e comunidad Gay,LGBT,LGBT+ tin ta mundial y publico.
Cambio di e ley di matrimonio ta sumamente peligroso, unabes cu e ley pasa ta habri un porta peligroso unda cu ta mishi cu e ader principal di sociedad , cu ta famia.
Tin un cantidad di 18 mil firma pero a bay over y haci comosifuera tin un ley di referendum unda cu a schakel in abogadonan y notarionan pa certifica e firmanan. Ta den e proceso pa certifica e firmanan unda cu a yega na un total di 16300 mil firma certifica y e siguiente formanan ta den proceso y mester bisa cu ainda tin hende ta firmando cu no kier e ley pasa.