Diabierna ultimo tabatin e caminata Pro Famia, Frank Daal tabata e persona encarga cu e lesa e manifiesto. E caminata a sali for di DOW bieu y nan a cana direccion bestuurskantoor. Den e ocasion aki Vice prome minister Ursell Arends y Minister di economia Geoffrey Wever a sali afo y a tuma e manifestacion debi cu Prome minister di Aruba Evelyn Wever Croes tabata na Hulanda cu diferente reunionnan importante.
Frank Daal a lesa e manifiesto y a vocifera diferente puntonan importante y di preocupacion. E causa Pro Famia ta bon conoci y tey pa defende matrimonio y famia unda cu kier proteha e muchanan y e siguiente generacion. Tambe a haci entrega di un total di 18 mil firma. E caminata ta uno historico y no a spera cu asina tanto hende lo a bin, pero na mes momento ta contento na tur esunnan cu a participa na e caminata Pro Famia.
Esaki tambe ta e delaster oportunidad cu por defende matrimonio manera ta conoci pa aña nan caba aki na Aruba y manera cu DIOS hende muhe den su forma natural.
Segun Frank Daal e proposito di DIOS pa un matrimonio entre un hende homber y un hende muhe ta pa multiplica pa yena e tera y asina goberna riba e creacion cu DIOS a confia nos como ser humano cu ne. Pesey mes keda cas no tabata un opcion.
A dicidi di haci un caminata den un forma mas pasivo cu ta posibel pa defende y para pa e causa cu ta tratando na e momentonan aki. E iglesia di Hesucristo tin un mandato bon cla cu palabra di DIOS pa proclama DIOS mes y tambe proclama su evangelio na tur criatura.
E lucha pa mantene e matrimonio intacto y protege for di tur forma di pica ya ta pa largo caba na Aruba. Ta kere tambe cu ningun hende di e generacion pasa lo por imagina nan mes cu un sociedad cu ta mas di 93% ta riba balornan cristian cu a bira asina urgente cu mester a sali afo y defende y proteha famia contra di redefinicion nan radical uzando sistemanan manera parlamento , gobernacion pa redefini e ader principal den nos comunidad di nos sociedad, aki ta papiando di matrimonio , famia di e siguiente generacionnan. Segun Frank Daal palabra di DIOS berdad a adverti cu den e temponan final cu loke ta bon hende nan lo bay yame malo y loke ta malo hende lo yame bon. Grupo Pro Famia ta kere cu parlamento y gobierno tin armanan y hermentnan ainda disponibel pa haci hopi pa proteha y reserva matrimonio den su forma manera DIOS a crea.
