Riba Dia Internashonal di Síndrome di Down, Minister di GMN dr. Dorothy Pietersz- Janga tabatin e honor di risibí diferente mucha i hóben ku síndrome di down na su ministerio. Den un esfera hopi alegre i ameno Minister a kombersá ku nan i durante e kombersashon tabatin espasio tambe pa tur presente disfrutá di un pasa boka. Na final di e parti ameno ku Minister Pietersz- Janga, minister a otorgá kada unu un sertifikado di presensia komo muestra di gratitut.
Despues di e enkuentro ku minister e bishitantenan a risibí un rekorido na Ministerio di GMN kaminda nan por a sera konosí ku personal i haña splikashon di trabounan di ministerio. Minister Pietersz- Janga, su kabinete i personal di GMN ta felisitá tur persona ku Síndrome di Down riba e dia spesial aki alabes un danki spesial na tur esnan ku tabata presente na GMN kual ta: Quincy Maduro, Jenuviene Martina, Clarisa Elshuis, Dayyan Bishop, D’laïa Lodowica, Rosana Scharbay i Carina Leito