Lider di fraccion di AVP, Jennifer Reyes, a elabora riba reunion importante cu a tuma luga den seno di Raad van State na Hulanda. Durante e encuentro aki, caminda a conta tambe cu e input di Andy Lee, e delegacion a analisa profundamente e conseho cu e organo consultativo di mas halto a emiti tocante e propuesta di ley di Reino, Rijkswet HOFA.
Reyes a splica cu e reunion a duna espacio pa debati riba e puntonan di mas valioso di e conseho aki, enfocando riba e futuro di e relacionnan den Reino y e situacion financiero-constitucional di Aruba.
Un di e puntonan mas relevante cu e lider di fraccion a trece dilanti ta e necesidad pa Gobierno di Aruba actua. E conseho di Raad van State ta contene recomendacionnan clave cu, segun Reyes, Gobierno na su turno tin cu uza como un herment solido pa bay negocia back cu Hulanda y traha riba nan debidamente.
Ademas, e discusion a sinta rond di con por uza e momento aki pa reenforsa e propio institucionnan di Aruba y evalua e situacion actual di e isla for di un perspectiva structural.
Mirando e importancia di e materia, Reyes a dirigi su mes tambe na Parlamento di Aruba, indicando cu e organo legislativo tin un rol crucial den revisa e puntonan aki. E la duna di conoce cu e necesidad pa drenta e discusion aki cu un “umber amplio”esta, un bista Panorama, unifica y habri pa asina asigura cu structuralmente Aruba por sali beneficia maximamente for di e proceso aki.
E conseho aki ta di sumo importancia,” Reyes a conclui, retirando cu e fraccion lo sigui vigila e desaroyo aki di cerca pa salvaguardia e interesnan di e pais.
Conseho di Raad van State ta contene recomendacionnan clave y herment solido pa bay negocia back cu Hulanda
