Hues a dicta awe relaciona cu e peticionnan cu M.E.M. a entrega algun dia pasa na Corte den Prome Instancia.
Den e peticionnan aki, basa riba articulo 43 di Codico di Procedimiento Penal, M.D.M. a pidi Hues pa obliga Ministerio Publico pa dun’e mas informacion tocante e tipo y e motibo di e acusacionnan contra dje, y ademas pa Ministerio Publico tuma un decision di persecucion penal den su caso prome cu 15 di augustus 2025.
Hues a rechasa e peticionnan di M.D.M.. Segun hues, Ministerio Publico a cumpli cu e decision di Corte di 25 di juni 2025, dor di informa M.D.M. (riba e mes fecha aki) cu e ta sospechoso den un investigacion cu tin andando y dor di pon’e na haltura di e articulo den ley riba cual e sospecho contra dje ta basa. E peticion pa obliga Ministerio Publico pa dicidi prome cu 15 di augustus 2025 si M.D.M. lo wordo persigui penalmente of no, hues a bisa di ta considera prematuro.