Delegashon di entidat públiko Boneiru a bai kongreso di VNG pa interkambio di konosementu

E kongreso anual di VNG (Vereniging van Nederlandse Gemeenten – Asosiashon di Munisipionan Hulandes) ta konta ku partisipashon di mandatarionan di munisipionan hulandes i di e entidatnan públiko. E aña akí e kongreso di konosementu akí ta tuma lugá dia 13 i 14 di yüni na Groningen. For di Boneiru tin un delegashon presente pa topa ku mandatarionan di munisipionan di henter Hulanda i pa konhuntamente pone un paso padilanti.

Durante e kongreso e partisipantenan por sigui diferente seminario banda di e seshonnan plenario di konosementu. E kongreso ku ta dura dos dia tin di haber ku interkambio di konosementu i abilidat, desaroyo di abilidatnan profeshonal i interkambio di idea tokante desafionan gubernamental.