Secretario di Estado di Asuntonan di Reino, señora Alexandra van Huffelen, a bishita Gobernador di Aruba, Su Excelencia Alfonso Boekhoudt.
Desde fin di siman pasa e Secretario di Estado nobo ta hibando bishitanan di trabao na tur e isla y paisnan Caribense di Reino.
Ta prome biaha cu e Secretario di Estado y Gobernador di Aruba a reuni cu otro personalmente.
Anteriormente tabatin contact si via di telefon y videoconference. Durante di e audiencia na Cas Ceremonial a papia tocante ehecucion di e Landspakket Aruba, standarisacion di e salarionan top y refinanciamento di e fiansanan Hulandes.
Durante di e bishita señor Henk Brons, director-general di Relacionnan di Reino, señora Saskia de Reuver, director Relacionnan den Reino / Paisnan y señor David Abrahams, Representante suplente di Hulanda na Aruba, a acompaña señora Van Huffelen. Diahuebs atardi e delegacion ta biaha pa Sint Maarten.