Minister Plenipotenciario, Drs. Gracita R. Arrindell a reuni cu Minister di Educacion, Cultura, Hubentud y Deporte (ECYS), Melissa D. gumbs, durante un bishita di trabou na Gabinete na Den Haag.
Durante e encuentro, Minister Arrindell a duna un update tocante e iniciativanan actual di Gabinete pa apoya studiante di Sint Maarten na Hulanda. E discusionnan a inclui e sesionnan di participacion di studiante di Gabinete, e crecemento continuo di e database di diaspora, y e esfuersonan di Gabinete pa crea plataformanan cu ta stimula un conexion y participacion mas grandi entre studiante y e comunidad mas amplio di Sint Maarten.
Tantu Minister Gumbs como Minister Plenipotenciario Arrindell a discute e importancia di duna studiantenan e conocimento y informacion practico cu nan tin mester prome cu nan laga Sint Maarten, mientras ta promove responsabilidad personal, sentido di pertenencia y independencia ora nan ta transiciona pa studia y biba na Hulanda.
Tambe a discute e aumento den retonan di salud mental bou di studiante, hunto cu e importancia di sigura cu studiantenan sa unda pa haya e ayudo y recursonan disponibel ora nan tin mester di esaki.
Ambos Minister a reafirma nan compromiso pa continua colabora pa apoya e bienestar y exito di studiantenan di Sint Maarten na Hulanda.