Minister Plenipotenciario Drs. Gracita R. Arrindell recientemente a duna bini na e Minister Plenipotenciario nobo di Corsou, Sidney C. Justiana, na Gabinete di Sint Maarten como parti di su reunionnan di introduccion na Den Haag despues di su yegada na Hulanda tres siman pasa.
E reunion di introduccion a duna un oportunidad pa ambos minister intercambia bista riba e rol y responsabilidad di un Minister Plenipotenciario y discute nan respectivo prioridad y areanan di enfoke pa e periodo benidero.
Nan a reafirma tambe e importancia di mantene un cooperacion cercano entre e paisnan caribense di Reino riba asuntonan di interes mutuo.
Minister Arrindell a bisa: “Mi ta desea e Minister Plenipotenciario entrante tur exito y fuerza miéntras e ta asumi su responsabilidadnan nobo. Mi ta warda cu ansia pa traha di cerca cun’e pa avansa e lasonan di amistad y cooperacion entre nos islanan, na Hulanda, pa beneficio di nos respectivo comunidadnan.”
Como muestra di aprecio, Minister Arrindell a presenta Minister Justiana cu un copia di Saint Martin | Sint Maarten: Vintage Photography, un publicacion cu ta mustra e historia comparti y herencia cultural di e isla.