Departamento di Salud Publico (DVG) a haya un keho cu cierto importador na Aruba ta uza un producto cu ta prohibi, den e caso aki hariña, cu tin un kimico, uno cu por nifica un aditivo cu ta wordo poni den hariña cu ta yama Potassium Bromate.
Na momento cu informacion a yega cerca DVG, e servicio cu ta haci e control nan di Higiena, a pone un team hunto y nan a bay bishita di diferente importador di hariña na Aruba y tambe diferente bakery na Aruba, pa check pa e producto aki. Y berdad, na un di nan a bin constata cu e bakery ta uza e marca di hariña cu ta prohibi, claramente e ta bisa den su instruccionnan cu e producto di hariña tin Potassium Bromate.
Tocante Potassium Bromate
Potassium Bromate ta algo aditivo cu ta wordo poni den hariña, di modo cu productonan manera pan, donuts, cu ta wordo traha cu hariña ta haci su miho funcion. Pone e hariña ta rijs mas miho, e ta mas suave. Locual cu potassium bromate ta haci, pero organisacionnan internacional, diferente di nan, a conseha pa no uza potassium bromate, debi cu despues di varios investigacion a constata cu e ta ocasiona cancer.
Situacion na Aruba y den Exterior
*Parti Europeo: Den paisnan Europeo e ta prohibi caba.
*Parti Americano: Cierto ciudadnan ta prohibi, pero cierto di nan no ta prohibi. Den e caso aki, pa Aruba, nos ley segun Articulo 8 ta prohibi e tipo di productonan aki.
Control y Vigilancia
Lo dobel check tambe cu e producto ta wordo controla ma frontera, dus pa e no wordo importa. Manera den caso cu ora cu un wordo detecta cu un persona cu ta wordo alerta riba dje, y DVG lo tuma accion riba dje.
Ta hopi importante pa comunidad ta un wowo extra pa DVG controla y si nan tin keho, si nan ta mira cos iregular, por informa DVG of por bay via di e website dvg.aw cu tin un sistema automatisa cu bo por entrega keho, pero tambe semper por yama na 522-4200, cual ta e numero di DVG y bo ta entrega bo keho y e control nan ta wordo haci , tur keho cu drenta DVG ta kehonan serio.
Normalmente DVG ya caba regularmente ta controla supermercado nan, y diferente lugar nan cu tin di haber cu cuminda, pero tin hopi ley cu mester wordo controla, pesey mes e extra wowo di comunidad ta importante pa DVG por tuma accion mas lihe.
