Ta preocupante, e crecemento di hende of grupo cu ta rechasa Cristo Hesus tanto cu nan palabra, hecho y actitud cu ta desmostra cu nan no ta respeta Dios, y no kier ni tende palabra di Dios,esaki ta un movecion mundial cu ta pone hende pensa con por ta hende cu ta creacion di Dios, ta ninga Dios, y kier biba manera nan kier.
Awor mas cu nunca e ta birando visibel pa tur cu kier mira,pasobra tin hende ta sera wowo, y ta tuma malo haci bon, y nan no kier mira bon.
Hende ta bibando riba un mundo cu Dios a traha, y hende ta bayendo contra e boluntad y principio di Dios, hende ta faltando respet pa Dios, y ta lubida cu nan mester tin temor pa Dios. Hende ta hasta transforma nan curpa pa demostra cu nan no ta contento con Dios a creanan.
Otro banda tin grupo cu ta mata esnan cu ta kere den Cristo Hesus, y hasta tin pais cu bo no por drenta cu Bijbel awendia tene bon cuenta ora bo ta bay biaha, pasobra biaha cu Bijbel por resulta cu bo ta perde bo Bijbel of hasta perde bo libertad.
Djis pasobra bo ta kere den e Rey di Reynan y Senjor di Senjor, Esun cu tur rudia mester dobla y tur lenga mester confesa cu e ta Senjor.
Parce cu e palabra di Dios a bira enemigo di hende, pasobra locual bo tarda pa coregi , bo ta tolera.
Pero nos tin cu tene cuenta cu Dios no ta tolera pica, Dios no ta tolera esnan cu no ta kere pasobra ta para scirbi:
Pasobra Dios a stima mundo asina tanto cu E a duna Su Yiu unigenito pa ken cu kere den djE, no bay perdi, ma tin bida eterno.( Juan 3:16).
Esun cu kere den e Yiu lo tin bida eterno,ma esun cu no obedece e Yiu, lo no mira bida,ma e furia di Dios ta keda riba dje.( Juan 3:36).
Mateo 25:41 ta para scirbi: Ma E lo bisa tambe na esnan cu ta na Su man robes: Aparta boso for di Mi, boso maldicionanan bay den candela eterno. Cu a wordo prepara pa diabel y su angelnan.
Dios a duna y ta dunando tur hende e mesun chens no tin hende preferi pa drenta reino di Dios;
Pasobra pa medio di gracia, boso a wordo salba door di fe,y esey no di boso mes, e ta e don di Dios. No como resultado di obranan pa ningun hende no gaba.( Efesionan 2:8-9).
Pero e rebeldia contra Dios, Su Palabra y Su naturalesa, ta pone hende cay den pica, y si no tin arepentimento, no tin salbacion, pasobra con por tin pordon di pica si no tin confesion.
Tin nacion completo cu ta rechasa Cristo Hesus como Senjor y Salbador.
Y ta para scirbi cu tur hende mester duna cuenta na Senjor y esey ta individual.
Pero tambe ta para scirbi: Ma e cobardenan , y e incredulonan, y e abominabelnan,y e matadonan, y e fornicadornan, y e hacidornan di bruha,y e adoradornan di Dios falso, y tur ganjado,nan parti lo ta den e lago cu ta kima cu candela, y swavel , cual ta e di dos morto.
Dios no kier pa ningun hende bay perdi , ma pa tur yega na e conosemento di e berdad.
Cristo Hesus a bisa; Ami ta e caminda , e berdad, y e bida,ni un hende no por yega serca e Tata sino ta pa medio di Mi.
Awor mas cu nunca ta tempo pa busca Cristo Hesus.
Sinceramente, Pastor Marcel Balootje.