Minister Xiomara Maduro ta na Hulanda y a duna un bista financiero/economico di Aruba y a indica unda Aruba ta para den e aña di conmemoracion di 160 aña di abolicion di sclavitud den Reino Hulandes. Minister Maduro di Finansa y Cultura tabata invita pa e Genootschap Nederland Aruba (GNA) pa duna un discurso den cuadro di e ‘Herdenkingsjaar Slavernijverleden.’ Prome cu a bay riba e topico di e encuentro na ocasion di 26 aña di existencia di GNA, e mandatario a tuma tempo pa asina brinda algun informacion financiero y economico di Aruba, pa asina e public presente por ta na altura di e recuperacion cu Aruba a conoce despues di e pandemia.
Minister Maduro a hiba discurso interesante na e encuentro di Genootschap Nederland Aruba riba e ‘Herdenkingsjaar Slavernijverleden’
