Awe merdia, Hof di Corte Superior a dicta sentencia den e caso di apelacion di Avin Howell.
Por a compronde cu Hof ta haya Howell culpabel y a confirma e sentencia cual Howell a apela. Howell no ta di acuerdo y ta apela e sentencia di Hof.
RECHAZA DECLARA PG NO ADMISIBEL
Via video conference e sentencia a tuma luga. Hof tabata den sala di Corte na Curacao hunto cu e abogado mr. Herrera, mientras cu den sala di Corte na Aruba, Alvin Howell tabata.
Hof a bisa cu a studia tur e critica di abogado mr. Herrera riba e forma con e investigacion a tuma lugar. E abogado a pidi Hof pa declara Procurador General (PG) no admisibel y declara Howell liber. Hof su decision ta cu ta rechasa e defensa. Hof ta haya cu e investigacion ta haci corecto.
HOF TA CONDENA HOWELL
Hof a bisa cu nan ta haya Howell culpabel y ta confirma e sentencia cual Howell a apela. Pa loke ta e castigo, Hof a bisa cu ta tene cuenta cu e caso aki ya tin 3 aña andando. Door di esey a dicidi di reduci e castigo di 24 luna pa 23 luna di prison di cual 6 luna ta condicional cu 3 aña di prueba. Hof a sigui bisa cu Howell ta haya e multa di 35 mil florin y e 15 mil florin cu a confisca, ta keda confisca.
HOWELL TA APELA
Ta asina cu despues di e sentencia di Hof, Howell a duna di conoce cu el a consulta cu su abogado mr. Herrera y a keda dicidi cu ta apela e sentencia. Awor ta Corte di Casacion na Hulanda, lo bay evalua e caso.