First Call: Disney Cruise Fantasy pa promé biaha na Boneiru

E siman akí (29) Disney Cruise Fantasy pa promé biaha a mara na Boneiru. Disney Cruise Fantasy ta un barku krusero luhoso ku nan a diseñá spesialmente pa brinda famianan i amantenan di Disney un eksperensia inolvidabel riba laman.

Diputado Jolinda Craane i kapitan di haf Gunther Flanegin tabata presente pa duna Disney Cruise Fantasy un kaluroso bon biní i pa gradisí pa e aporte akí na turismo di Boneiru. Jolinda Craane a entregá kapitan di e barku un bandera di Boneiru i el a duna un splikashon di nifikashon di e bandera. E diputado a ofresé tambe un feneta den forma di nos bandera. Kapitan di haf Gunther Flanegin a opsekiá un potrèt den leshi di yegada di e barku krusero na Boneiru.