Parlamentario Mike de Meza a expresa su gratitud na e team di abogado cu a traha riba su caso despues di un periodo di un aña y mey cu e investigacion tabata riba su persona. Durante un declaracion emocional conhuntamente cu su señora, el a comparti detaye tocante e prome dianan y e retonan cu el a enfrenta.
De Meza a indica cu den e prome momentonan, el a wordo invita pa un combersacion unda a repasa screeningnan, tur cual a resulta positivo, incluyendo e screening di OM, keuring medico y psicologico. El a subraya cu ningun screening a mustra uso di droga, ni screening di KPA, Landsrecherche, Dienst Veiligheid, pero di belastingdienst a confronta un storia cu o por a compronde dicon.
E acusacionnan tabata indica cu lo a bende su compania y cu e compania aki tabatin un balor di miyones, y cu lo a paga algun miles di florin na impuesto. Segun de Meza, esaki tabata completamente robes y e momento ey tabata un momento incomprondibel catalogando esaki como un persecucion politico of intencion malicioso.
De Meza, kende tabata minister di finanzas di 2009 pa 2013, a remarca cu semper a asumi responsabilidad y tuma e decisionnan cu mester tuma. El a admiti cu tempo cu e tabata minister e l ahinca un management team den belastingdienst paso segun de Meza cosnan no tabata cana coracto. Den periodo ey diferente director, inspector a kita for di departamento di impuesto. E tempo ey a laga haci diferente investigacion cu tabata mustra riba e ineficiencia cu tabata tuma luga den belestingdienst e tempo ey, pero wega diferente weganan tambe di mal uzo di poder cu ta tuma luga den belastingdienst.
Segun Mike de Meza nunca e no a papia di e cosnan aki debi cu ta kere cu Belastingdienst ta un departamento hopi importante pa Pais Aruba y cu hopi hende ta kere den su funcionamento, pero cu tabatin algun appelnan putri den e departamento cu a haci hopi mal uzo di nan poder y awo añanan despues mi mes a wordo persigui, asina Mike de Meza a declara. Pa e motibo aki, el a conclui cu e maneho, screening y rapportnan ta mustra cosnan cu no ta cuadra.